مجد سلمان _ مجلة أورنينا
أعلن الإعلامي السوري عبد الله الحلاق على الهواء وفي نهاية الحلقة الأخيرة من برنامجه لوغ إن على قناة سما الفضائية توقف البرنامج ونهاية مشواره في قناة سما الفضائية السورية
ونشر عبر حسابه على الإنستغرام ما يلي :من 13 / 2 / 2017 حتى 13 / 2 / 2022
مُمتن جداً لكل شي مرقت فيه بهالسنين الخمسة .
مُمتن لله لأنو ما ضيّعني لمّا قرّرت إخطي خطوة الإعلام بالوقت يلي كانوا الناس حواليّي شايفينا تهوّر وقلّة عقل
ومُمتن للمكان يلي سمحلي كون ابنو ، راهن عليّي ، وعطاني قد ما بيقدر فرص لحد ما صرت الشخص يلي أنا هو اليوم ، وما ممكن إنسى انو البداية كانت من هون .. من تلفزيون سما .
لكن ولأنّو التّغيير سنّة الكون ، والرّكود للموتى فقط ..كان لازم آخد هالقرار بكل رضى وتفاؤل وحب
شكراً لكل حدا علّمني ، دعمني ، تابعني ، وحتى انتقدني
وبتمنّى كون قدرت إعمل أكبر قدر ممكن من يلي لازم إعملو أو إحكيه أو ضوّي عليه من مكاني .. وسامحوني على أي تقصير .
يمكن غيب عن التلفزيون حالياً بس الأكيد إني ما رح غيب عنكن .. وإلنا مواعيد جديدة رح نتلاقى فيها إذا الله راد
